.jpg)
Tukang nyaéta jelema anu miboga kaparigelan dina hiji pakasaban leungeun, digawena ku pakakas atawa bahan anu tangtu contona batu, beusi, kai. Tukang oge bisa disebut jelema anu pakasabanana barang jieun (ngajual, ngabenerkeun, jsb) hiji hal anu tangtu: contona ngajual daging (sayur, susu), arloji, pedati (gerobak, béca), sarta tukang ogé nyaéta jelema anu pakasabanana ngalakonan hiji hal sacara tetep contona tukang cukur, las, kaput, masak, nyitak jsb.
- Anjun: tukang nyieun parabot tina taneuh
- Bujangga: tukang nyieun/nulis carita
- Candoli: tukang ngajaga pabeasan di nu kariaan (biasana awéwé)
- Gending: tukang nyieun parabot tina kuningan
- Kabayan: tukang dititah ka ditu ka dieu
- Kajineman: 1) mandor sakitan 2) tukang ngajaga jinem (nu dihukum)
- Kamasan: tukang nyirun parabot tina emas atawa pérak
- Kabojengkeng: tukang ngagsur padati
- Kulaer: kusir anu tumpakna dina kuda karéta pangagung
- Kuncen: tukang ngurus kuburan
- Legig: tukang ngasruk dina pamoroan
- Malim: tukang nalukkeun sasatoan
- Maranggi: tukang nyieun ladéan jeung sarangka keris
- Marebot: tukang nakol bedug
- Nyarawedi: tukang ngagosok permata
- Pakacar: tukang juru laden
- Palatuk: iber anu tumpak kuda saheulaeun pangagung
- Paledang: tukang nyieun parabot tina tambaga
- Palika: tukang teuleum (ngala lauk)
- Pamatang: tukang moro (nu sok ngagunakeun tumbak)
- Pamayang: tukang ngala lauk dina laut
- Panday: tukang nyriun parabot tina beusi
- Paneresan: tukang nyadap
- Paniggaran: tukang moro ngagunakeun bedil
- Sarati: tukang ngusir gajah
Posting Komentar